唐诗咏主演《栋仁的时光》大结局！三大原因致收视低！(3)

第二个原因，TVB依然唔可以甩走旧有慨一套，就系有太多爱情线。主线系袁伟豪、唐诗咏和朱晨丽的三角恋，加埋不存在的杨潮凯，错综复杂的爱情线系一贯TVB的手法。
其实《栋仁的时光》条桥系唔错，但如果系一套５集剧，应该会好精彩，但２０集就要利用爱情线去拖，令到成套剧节奏好慢，５分钟讲完的剧情，用了多４０分钟去讲（扣除三节广告时段），所以有不少网友都话《栋仁的时光》最好睇系临尾５分钟。

其实《栋仁的时光》最大问题就系剧本，袁伟豪第二套担正做男一的剧集，号召力没有问题，之前《铁马战车》施马sir角色相当入屋，至于唐诗咏有人话她未够班做视后，话佢做嚟做去得一个样，可能系大家潜移默化，觉得好戏就系喊到口水鼻涕出哂嚟，其实演得生活化先系最高难度，《栋仁的时光》致命伤系剧本冇张力、唔吸引，呢啲剧本就算你俾梁朝伟、张曼玉演都系死路一条。