模范反派谭耀文(2)

放下光环作为第一、二批北上发展的香港艺人，阿谭在内地早已有了一定的成绩，毅然重投香港影圈，只因不想再错过子女的成长，“嗰时觉得钱搵唔晒，又适逢囡囡出世，我就返嚟拍戏。”然而，回港最初，也有过一段迷惘阶段，“开头试咗好多角色，当然唔会即刻好顺利，有啲角色，你唔想做但你都要做！”阿谭坦言在演艺路上，要适时放下曾经取得的光环，“好多时电视剧嘅主角，去到电影大银幕演小配角，都会放唔低自己主角嘅身份，好多演员坐埋一齐都系讲呢啲，例如‘阿边个叫我客串，有冇搞错！’、‘要我演呢啲角色？’。”曾摘下金像奖与金马奖最佳男配角、前年更在外国影展勇夺影帝，阿谭直言：“我真正嘅理想都系喺电影，我希望做到老都系做电影！”又指张家辉是他的目标，这是否意味他下一步会向金像奖影帝进发？阿谭指自己早几年尚有这个欲念，但作为多产演员，要攞奖尤其困难，当下的他更想慢工出细活，“外国可以畀到演员用半年时间做功课、深入角色；
但香港嘅演员要为生活之余，又要确保质量好，系咪真系有咁多周边嘅嘢可以配合到？”